Formulat e prerjes së kallëpeve ishin në fokus të workshopit të shtatë të projektit Y-CRAFT, ku pjesëmarrësit u njohën me një nga hapat e rëndësishëm në procesin e krijimit të veshjeve.
Gjatë workshopit, të rinjtë u njohën me parimet bazë të marrjes së masave, llogaritjes së përmasave dhe përgatitjes së kallëpeve.
Përmes njohurive të marra, pjesëmarrësit kuptuan se si këto procese lidhen me realizimin e një veshjeje të përshtatshme dhe të punuar me kujdes.
Ndërthurja e pjesës teorike me praktikën u dha të rinjve mundësinë të zhvillojnë aftësi të dobishme për punën me tekstile dhe të njihen më nga afër me mjeshtërinë që qëndron pas krijimit të veshjeve tradicionale.
Workshopi u zhvillua në kuadër të projektit Y-CRAFT – Youth for Cultural Revival and Artisanal Future Traditions, të zbatuar nga Fondacioni Tradita Popullore në bashkëpunim me Qendrën Shqiptare për Zhvillimin e Familjes (ACFD), në kuadër të skemës së nën-grantimit BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.
Përmes këtij workshop-i, të rinjtë patën mundësinë të njihen me një proces konkret të punës me tekstile dhe me hapat që çojnë drejt realizimit të një veshjeje.
