Fondacioni Tradita Popullore, në bashkëpunim me Qendrën Shqiptare për Zhvillimin e Familjes (ACFD), zhvilloi workshopin e katërmbëdhjetë të projektit Y-CRAFT – Youth for Cultural Revival and Artisanal Future Traditions, në Fushë-Krujë, në bashkëpunim me Ansamblin Albanopolis.
Aktiviteti iu kushtua veshjeve tradicionale dhe valleve popullore shqiptare. Përmes diskutimeve dhe shkëmbimit të përvojave, të rinjtë thelluan njohuritë mbi larminë e kostumeve tradicionale dhe rëndësinë e valleve popullore në pasqyrimin e identitetit dhe traditave krahinore.
Bashkëpunimi me ansamblin nxiti vlerësimin e trashëgimisë kulturore dhe përcjelljen e kësaj pasurie te brezat e rinj, duke theksuar rëndësinë e ruajtjes dhe promovimit të traditave shqiptare.
Projekti zbatohet në kuadër të skemës së nën-grantimit BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.
