Veshja tradicionale e Tiranës ishte në fokus të një workshop-i të zhvilluar në kuadër të projektit Y-CRAFT, ku të rinjtë u njohën me historinë, karakteristikat dhe vlerat estetike e kulturore të saj.
Pjesëmarrësit patën mundësinë të njihen më nga afër me elementet dalluese të kësaj veshjeje dhe rëndësinë e saj në identitetin kulturor të zonës.
Përmes diskutimeve dhe shkëmbimit të ideve, të rinjtë u nxitën të vlerësojnë trashëgiminë vendase dhe rëndësinë e ruajtjes e promovimit të saj te brezat e rinj.
Aktiviteti u zhvillua në kuadër të projektit Y-CRAFT – Youth for Cultural Revival and Artisanal Future Traditions, të zbatuar nga Fondacioni Tradita Popullore në bashkëpunim me Qendrën Shqiptare për Zhvillimin e Familjes (ACFD), në kuadër të skemës së nën-grantimit BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.
Përmes këtyre nismave, Tradita Popullore synon të mbajë gjallë vlerat e trashëgimisë kulturore shqiptare dhe të nxisë përfshirjen aktive të të rinjve në ruajtjen dhe promovimin e saj.
