
Fondacioni Tradita Popullore, në bashkëpunim me Qendrën Shqiptare për Zhvillimin e Familjes (ACFD), zhvilloi workshopin e njëmbëdhjetë të projektit Y-CRAFT – Youth for Cultural Revival and Artisanal Future Traditions, në Qendrën Kulturore të Fëmijëve në Durrës.
Workshopi iu kushtua potencialit të turizmit kulturor dhe mundësive që ai krijon për zhvillimin e komuniteteve. Pjesëmarrësit diskutuan faktorët që ndikojnë në suksesin e bizneseve të turizmit kulturor dhe punuan mbi ide praktike për promovimin e vlerave dhe potencialit kulturor të zonave të tyre.

Me kontributin e ekspertit Arjan Plaku, të rinjtë përfituan nga njohuritë dhe përvoja e tij, duke zgjeruar perspektivën mbi mënyrat se si trashëgimia kulturore mund të shndërrohet në një mundësi për zhvillim të qëndrueshëm.

Projekti zbatohet në kuadër të skemës së nën-grantimit BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.



